رد حارس مرمى نادي سموحة، الهاني سليمان، على تصريحات الكابتن طارق العشري، مدربه السابق في الفريق السكندري، والتي ألمح فيها بتفويت اللاعب لمباراة الأهلي، التي خسرها الفريق بثلاثية نظيفة في كأس مصر.
ونشر الهاني منشورًا عبر صفحته الشخصية على موقع التواصل الاجتماعي فيس بوك قال فيه: أولا أنا أحب أشكر كل الناس المحترمة اللي قدمت الدعم لي الفترة اللي فاتت.
- الإعلانات -
وتابع: “الحمد لله والفضل لله أنا من بعد ماتش الأهلي متكلمتش ولا طلعت في أي قناة اتكلم فيها لأن ربنا وهب لي الناس المحترمة أنها ترد غيبتى”.
- الإعلانات -
وأكمل: “الحمد لله أنا أبويا رباني على كل حاجة حلال في الدنيا وعرفني الحلال من الحرام أنا طول تاريخي ولعبي كورة كل المدربين اللي اتمرنت معاهم تجمعني بيهم أجمل وأحلى علاقه واحترام الحمد لله أنا بلعب في نادي محترم ونادي كبير ومجلس إدارة محترم.
واختتم حارس سموحة : في الآخر ممكن أي حد ينتقدني في الكورة وده أنا متقبله طبعا إنما تشكك في ضميري وفى أخلاقي وفي تربيتي وتطعن في ذمتي ده اللي أنا عمري ما هسكت عليه إحنا دولة كبيرة وبلد مؤسسات والقانون هو اللي بيحكم لذلك قررت إني أقدم بلاغ للنيابة في كل واحد تطاول على ذمتي علنا قدام الناس كلها سواء مدرب أو صحفي أو عضو واللي هيقرره القانون أنا معاه وشكرا.