شن أحمد عبد القادر، لاعب الفريق الكروي الأول بالنادي الأهلي، هجوم ناري قوية على بعض صفحات السوشيال ميديا، بعد الهجوم العنيف الذي تعرض له خلال الفترة الماضية.
وكتب أحمد عبد القادر، عبر حسابه الرسمي على موقع التواصل الاجتماعي «فيس بوك»: «جمهور الأهلي أكبر منك يا شويه هايفين ياللي بتقبضو الفلوس علشان تعلو ده وتوطو ده، أنا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الأدمن بتاعكو والفلوس اللي بتتوزع عليكو وقدام عيني».
- الإعلانات -
وأكمل: «حد عرض عليا أعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب إزاي وهفضل طول عمري شريف مش بتاع ألف وألفين جنيه ابيع بيهم كرامتي بلاش أنتو علشان أنتو لا تمسو للنادي الأهلي».
- الإعلانات -
طالع أيضًا| «استقيلوا النهاردة قبل بكرة».. ميدو يفتح النار على مجلس الزمالك
وأوضح: «بأي شئ النادي الأهلي أكبر نادي في العالم مش في مصر واللي أنتو عاوزينو ده مبعملوش والإجازة يا أنا يا صفحاتكو اللي كلها نفاق ورشاوي وبقولها لأخر مره، أنا بتاع شغل مش بتاع رشاوي ولو أنتو فعلا عندكو ذره ثقه وقلبكو كان جايبكو مكنش البوست اتمسح بعد ساعه على طول بس أنا اللي هنزله صباح الفل».
والجدير بالذكر، أن أحمد عبد القادر، لاعب الفريق الأول لكرة القدم بالنادي الأهلي، تبادل التراشق بالألفاظ مع بعض جماهير «المارد الأحمر» بسبب ردوده على موقع التواصل الاجتماعي «انستجرام»، وجاء ذلك بعد انتهاء مباراة الأهلي أمام المصري أمس ضمن مباريات دور الثمانية من بطولة كأس مصر، وتأهل الفريق لنصف النهائي.